ماجـور ياطيـر المحانـي..ولابـاس

ماجـور ياطيـر المحانـي..ولابـاس



..........لو انهدم صرحـك.. وراحـت حبيبـه


ياقلب .. هي وقفت على ضيق الانفاس؟

..........والا غرابـيـل الحـيـاة العجيـبـه؟
مكتوب لك عيش المتاهه.. والاتعـاس
..........مصيبـةٍ تقفـي.. وتلفـي مصيـبـه
عشت الزمن وأقوى مجاديفـك اليـآس
..........عشت الزمن .. ولاانكتب تهتنـي بـه
صدقت.. واهداك العجايـب والافـلاس
..........وياما من عروقك.. دفعـت الضريبـه
من الزمن ياكم تجرعـت مـن كـاس
..........هم.. وشقى.. وجروح صُحبه.. وريبـه
ياكم وفيت لناس.. ماهم مـن النـاس
..........مديت طيب .. وجـازوا الطيـب خيبـه
وياكم دمحت من الخطايا على اسـاس:
..........الفوز فـي بعـض المواقـف غليبـه
وياكم سهرت الليل ضيقـه وهوجـاس
..........وضاقت بـك الدنيـا ولوهـي رحيبـه
واليوم موت الحب.. لك دق الاجـراس
..........ماهي غريبه .. اييييه .. ماهي غريبه
من كم يوم ووضع الاحبـاب محتـاس
..........ونبضـك توديـه الهجـوس وتجيبـه
كنك تحسّ بشيء مربك.. والاحسـاس
..........بالحب: هو عيـن الخفـوق وصحيبـه
مااخطيت لا والله بذلـت وبـلا قيـاس
..........وغابت وذي ياقلب.. ماهيـب غيبـه!!
هذا الفراق .. ودام بأرض الغـلا داس
..........راحت مَحَلْ .. من عقب ماهي خصيبـه
لكن وش الحيله .. ولو اضرب اخماس
..........دام القضـا ماضـي بشـره وطيـبـه
اصبر على قسمك .. بشيمه ونومـاس
..........وكلـن بياخـذ ياخفـوقـي نصيـبـه
مات الشجر واقف.. ولاهنت.. والراس
..........شااامخ وله عز.. ومكانـه.. وهيبـه